"Тоттенхэм" "Торино" ҳимоячилари Глейсон Бремер ва Уилфрид Синго учун 50 миллион евро таклиф қилмоқда, деб хабар беради Tuttosport.

Манбага кўра, футболчиларга шахсан "шпорлар" бош мураббийи Антонио Конте қизиқиш билдирмоқда.

Жорий мавсумда Синго "буқалар" сафида 32 та ўйинда майдонга тушиб, 3 та гол урди ва 4 та голли узатмани амалга оширди.

21 ёшли ивуарлик футболчининг клуб билан тузган шартномаси 2023 йилнинг июнида якунига етади. Трансфермаркт портали ҳимоячини 15 миллион еврога баҳоламоқда.

Бремернинг шартномаси 2024 йилнинг июнида якунига етади. Трансфермаркт 25 ёшли бразилиялик футболчини 30 миллион еврога баҳолаган.

Жорий мавсумда ҳимоячи “Торино” сафида 30 та ўйин ўтказиб, 3 та гол уришга эришди.