Испания Ла-Лигаси 37-туридан ўрин олган "Барселона"-"Эспаньол" ўйини – Каталония дерббисидан сўнг "блауграналар" бош мураббийи Хосеп Гвардиола мухлислар ва жамоа билан хайрлашди.
Стадион электрон таблосида Гвардиоланинг "Барселона"даги мураббийлик карьерасиининг энг эсда қоларли лаҳзалари акс эттирилган ролик намойиш этилди. Сўнг 41 ёшли мутахассис сўз олди ва ҳамма билан хайрлашди.
"Ҳаёт менга шундай туҳфа бердики, ўтган йиллар мобайнида шундай футболчилар билан ўйнаб ва ишлаб ҳузур қилдим. Мен аллақандай имтиёзга эга инсон даражасида эдим ва ушбу клубда менга бўлган ҳурмат ва меҳрни жуда-жуда қадрлайман. Ҳаммага ташаккур билдираман. Барча мухлислар "Барселона" иштирокида муносиб футбол томоша қилиши учун ҳар куни курашдик. Мен ўз ворисларимга энг яхши ўйинчиларни қолдираяпман. Ҳаммага энг яхши тилакларни билдириб қоламан, ўзим эса доим сизлар билан бирга бўламан", — деди Гвардиола.
Хайрлашув лаҳзаларини УШБУ ҲАВОЛАга ўтиб томоша қилишингиз мумкин.
