"Челси" бош мураббийи Томас Тухель "Арсенал"га (2:4) қарши АПЛнинг 25-тури доирасидаги танаффусда ҳимоячи Андреас Кристенсенни алмаштириш ҳақидаги қарорини тушунтирди.
"У ўйинни давом эттира олмаслигини айтди. Ўйлайманки, унинг муайян муаммолари бор", - дея Тухель сўзларини келтиради Goal.
Эслатиб ўтамиз, иккинчи бўлим бошида даниялик футболчи ўрнига Тиаго Силва майдонга тушди. Олдинроқ Кристенсен "Барселона"га ўтиши мумкинлиги ҳақида хабарлар тарқалган эди.
31-турдан кейин Тухель шогирдлари АПЛ турнир жадвалида “Арсенал”дан 5 очкога олдинда 3-ўринда бормоқда. Лондонликлар навбатдаги ўйинни 28 апрель куни “Манчестер Юнайтед”га қарши ўтказади.
