«Лацио» президенти Клаудио Лотито Il Messagero нашрига бош мураббий Маурицио Сарри камида кейинги мавсумда жамоада қолишини айтди.
«Менга вақт беринг. Мен доим Сарри қолишини айтганман. Ўйлайманки, бу гап-сўзларнинг барчаси стадионга умуман ташриф буюрмайдиган мухлислардан келиб чиқади. Улардан баъзилари хурсандчилик учун эмас, балки мени ҳақорат қилиш учун келишади», - деди Лотито.
Эслатиб ўтамиз, 2021 йил охирида »Лацио" президенти Лотито клуб бош мураббий Маурицио Сарри билан шартномани узайтиришга яқин эканини айтганди. Бироз вақт ўтгач, раҳбарият трансфер бозорини муваффақиятсиз ўтказди, шундан сўнг мураббий кетиш ҳақида ўйлай бошлади.
