"ПСЖ" бош мураббийи Маурисио Почеттино келажакда парижликлар ўз дарвозабонларидан бири билан хайрлашишларига тўғри келишини истисно этмади.
"Доннарумма ва Навас ўртасида яхши муносабатлар мавжуд, аммо келажак албатта бошқача бўлади. Ҳар иккиси ҳам кўпроқ ўйнашни исташи аниқ, аммо ҳеч бир клубда иккита дарвозабон билан бундай вазият бўлмаган", - дея Почеттинодан иқтибос келтиради Football Italia.
Жорий мавсумда 23 ёшли Доннарумма 22 та ўйин ўтказиб, ўз дарвозасидан 20 та гол ўтказиб юборди ва 8 марта ўз дарвозаси дахлсизлигини сақлаб қолди.
35 ёшли Навас ҳисобида 23та ўйин, 21та гол ўтказиб юборилган ва 9та қуруқ ўйин. Олдинроқ коста-рикалик футболчи ўзининг ўйин вақтидан норозилигини омма олдида билдирганди.
