«Ливерпуль»нинг собиқ ҳимоячиси Жейми Каррагер жорий мавсумда тўртта мусобақада ғалаба қозониш имкониятига эга Юрген Клопп жамоаси ҳақида гапирди. Эслатиб ўтамиз, мерсисайдликлар аллақачон Лига кубогини қўлга киритишган, Англия кубоги финалига чиқишган, Чемпионлар лигасининг ярим финалида ўйнашади, шунингдек, Премьер-лигада олтин медаллар учун ҳам курашмоқда.
«Бу «Ливерпуль» жамоаси ҳозирда барча даврларнинг энг яхшиларидан бири. Бунга ҳеч қандай шубҳа йўқ. Юрген Клоппнинг ҳозирги ғалаба қозониш эҳтимоли бу жамоа тарихидаги ҳар қандай мураббийдан бир неча баравар юқоридир», - дея фикр билдиради Каррагер.
Эслатиб ўтамиз, сешанба оқшомида «Ливерпуль» Англия чемпионатида «Манчестер Юнайтед»ни 4:0 ҳисобида мағлуб этган эди.