Мюнхеннинг "Бавария" жамоаси ҳужумчи Роберт Левандовски билан янги шартнома борасида келаси ҳафтада музокараларни бошлайди, деб хабар беради Sportwe Facty.
33 ёшли польяк ва унинг агенти Пини Захави янги келишув камида 2 йил бўлишини кутишмоқда. Форварднинг амалдаги шартномаси 2023 йилнинг ёзига қадар амал қилади.
Агар томонлар ҳамкорликни давом эттиришга рози бўлмаса, "Бавария" ҳужумчини камида 40 миллион еврога сотишга тайёр.
Жорий мавсумда Роберт Левандовски 42 та учрашувда иштирок этиб, 47 та гол урди ва 6 та голли узатмани амалга оширди.
