Бразилиялик собиқ ҳужумчи Луизао «Реал»да тўп сураётган ҳамюрти Винисиус Жуниорни танқид қилди.
«Винисиус - дарвозабонга қандай босим ўтказишни ва гол уришни билмайдиган эшак. У вазиятдан фойдаланишни ва якунини яхшилаши керак. У ассистент сифатида яхшими? У ўрганишда давом эттириши керак. Унинг ўсиши учун жой бор, айниқса чап оёғи учун", - деди 46 ёшли Луис Карлос Бомбонато Гоуларт.
Винисиус Жуниор жорий мавсумда «Реал» сафида 45 та ўйинда 17 та гол урди ва 18 та голли узатмани амалга оширди.
Луисау Бразилиянинг кўплаб клубларида ўйнагани билан танилган. Европада у Испаниянинг «Депортиво» ва Берлиннинг «Герта» шарафларини ҳимоя қилган. 2002 йилда Луизао Бразилия терма жамоаси таркибида жаҳон чемпиони бўлган.
