«Барселона» ҳимоячиси Жорди Альба Ла Лиганинг 33-тур доирасида «Реал Сосьедад» устидан қозонилган ғалаба ҳақида фикр билдирди.

Каталонияликлар меҳмонда минимал ҳисобда ғалаба қозонишга муваффақ бўлишди. Ягона гол 11-дақиқада Пьер-Эмерик Обамеянг томонидан киритилди.

«Бизга етарлича муаммо туғдирган ажойиб рақибни мағлуб этдик. Кўп вазиятларда улар устунлик қилишди, аммо ҳар хил турдаги ўйинлар мавжуд. Менимча, биз ажойиб ишладик. Гап жанг қилиш қобилияти ва истаги ҳақида кетмоқда. Пике - муҳим футболчи, у бугун бизга ёрдам берди.

Сўнгги ойларда биз яхши натижаларга эришмоқдамиз, аммо мавсум бошидаги йўқотишлар бизга жуда қимматга тушди», - деди 33 ёшли футболчи.