«Barselona» himoyachisi Jordi Alba La Liganing 33-tur doirasida «Real Sosyedad» ustidan qozonilgan g‘alaba haqida fikr bildirdi.
Kataloniyaliklar mehmonda minimal hisobda g‘alaba qozonishga muvaffaq bo‘lishdi. Yagona gol 11-daqiqada Pyer-Emerik Obameyang tomonidan kiritildi.
«Bizga yetarlicha muammo tug‘dirgan ajoyib raqibni mag‘lub etdik. Ko‘p vaziyatlarda ular ustunlik qilishdi, ammo har xil turdagi o‘yinlar mavjud. Menimcha, biz ajoyib ishladik. Gap jang qilish qobiliyati va istagi haqida ketmoqda. Pike - muhim futbolchi, u bugun bizga yordam berdi.
So‘nggi oylarda biz yaxshi natijalarga erishmoqdamiz, ammo mavsum boshidagi yo‘qotishlar bizga juda qimmatga tushdi», - dedi 33 yoshli futbolchi.
