"Ювентус" ҳужумчиси Пауло Дибала фаолиятини "Интер"да давом эттириши мумкин, дея хабар беради журналист Никола Скира. Футболчи жамоага эркин агент сифатида қўшилиши мумкин.

Манбага кўра, милан клуби мавсум якунида эркин агентга айланадиган Дибала билан музокараларни бошлаб юборган. "Интер" унга йилига 7 миллион евролик 3 йиллик шартнома таклиф қилишга тайёр.

Шунингдек, футболчига "Манчестер Юнайтед" ҳам қизиқиш билдирмоқда.

Маълумот ўрнида, 28 ёшли аргентиналик футболчи жорий мавсумда “Ювентус” сафида барча турнирлар доирасида 33 та ўйинда майдонга тушиб, 13 та гол урди ва 6 та голли узатмани амалга оширди.