"Yuventus" hujumchisi Paulo Dibala faoliyatini "Inter"da davom ettirishi mumkin, deya xabar beradi jurnalist Nikola Skira. Futbolchi jamoaga erkin agent sifatida qo‘shilishi mumkin.
Manbaga ko‘ra, milan klubi mavsum yakunida erkin agentga aylanadigan Dibala bilan muzokaralarni boshlab yuborgan. "Inter" unga yiliga 7 million yevrolik 3 yillik shartnoma taklif qilishga tayyor.
Shuningdek, futbolchiga "Manchester Yunayted" ham qiziqish bildirmoqda.
Ma’lumot o‘rnida, 28 yoshli argentinalik futbolchi joriy mavsumda “Yuventus” safida barcha turnirlar doirasida 33 ta o‘yinda maydonga tushib, 13 ta gol urdi va 6 ta golli uzatmani amalga oshirdi.