"Ливерпуль" ҳужумчиси Муҳаммад Салоҳ ҳозирги жамоаси билан шартномасини узайтирадими ёки йўқлигини айтди.
“Ўйлашимча, янги шартнома имзолайман. Аммо кетишимни хоҳласалар, ҳаммаси ўзгаради! Шартнома фақат пул билан боғлиқ эмас", - дея Салоҳнинг сўзларини келтиради FourFourTwo.
Мисрлик келажагини билмаслигини, аммо ҳозир бу ҳақда қайғурмаслигини ва бор эътиборини мавсумнинг сўнгги ўйинларига қаратганини таъкидлади.
29 ёшли вингер жорий мавсум мерсисайдликлар сафида 41 та ўйинда майдонга тушиб, 30 та гол урди ва 12 та голли узатмани амалга оширди. Футболчининг амалдаги шартномаси келаси йил охирида якунига етади.