"Лейпциг" ҳужумчкор ярим ҳимоячиси Кристофер Нкунку Европанинг бир қатор гранд клублари эътиборида бўлиб турибди. Бу ҳақида Sky Germany хабар берди.

Манбага кўра, "буқалар" раҳбарияти 24 ёшли французни келаси мавсум ҳам жамоада қолишни таъкидлаган бўлса ҳам футболчининг агенти "Манчестер Юнайтед", "Милан", "Интер" ва "Арсенал" билан музокара олиб бормоқда.

Нкункунинг жорий мавсумдаги статистикаси эътиборга молик. У жами 45 та ўйинда майдонга тушиб, 30 та гол урди ва 20 та голли узатмани амалга оширди. Кристофернинг немис клуби билан амалдаги шартномаси 2024 йилнинг июнь ойи охирида якунига етади.