"Leypsig" hujumchkor yarim himoyachisi Kristofer Nkunku Yevropaning bir qator grand klublari e’tiborida bo‘lib turibdi. Bu haqida Sky Germany xabar berdi.

Manbaga ko‘ra, "buqalar" rahbariyati 24 yoshli fransuzni kelasi mavsum ham jamoada qolishni ta’kidlagan bo‘lsa ham futbolchining agenti "Manchester Yunayted", "Milan", "Inter" va "Arsenal" bilan muzokara olib bormoqda.

Nkunkuning joriy mavsumdagi statistikasi e’tiborga molik. U jami 45 ta o‘yinda maydonga tushib, 30 ta gol urdi va 20 ta golli uzatmani amalga oshirdi. Kristoferning nemis klubi bilan amaldagi shartnomasi 2024 yilning iyun oyi oxirida yakuniga yetadi.