Килиан Мбаппе фаолиятини қаерда давом эттириши ҳақида ҳали бир қарорга келмаган.
Goal.com нашрининг Мбаппе оиласининг яқин дўстига таяниб хабар беришича, франциялик ҳужумчи ўз келажаги ҳақида чуқур ўйлаб кўрмоқчи, чунки у "ПСЖ" билан Чемпионлар лигасида ғолиб чиқиш ва клуб тарихидаги энг яхши тўпурар бўлишни хоҳлайди.
Олдинроқ Мбаппе клубдаги 113-голини уриб, Златан Ибраҳимовичга етиб олган эди. Энг яхши тўпурар Эдинсон Каванида Килиандан 25 та кўп гол бор.
23 ёшли ҳужумчи жорий мавсумда "ПСЖ" сафида барча турнирлар доирасида 41 та ўйинда майдонга тушиб, 33 та гол урди ва 18 та голли узатмани амалга оширди.
