Kilian Mbappe faoliyatini qayerda davom ettirishi haqida hali bir qarorga kelmagan.
Goal.com nashrining Mbappe oilasining yaqin do‘stiga tayanib xabar berishicha, fransiyalik hujumchi o‘z kelajagi haqida chuqur o‘ylab ko‘rmoqchi, chunki u "PSJ" bilan Chempionlar ligasida g‘olib chiqish va klub tarixidagi eng yaxshi to‘purar bo‘lishni xohlaydi.
Oldinroq Mbappe klubdagi 113-golini urib, Zlatan Ibrahimovichga yetib olgan edi. Eng yaxshi to‘purar Edinson Kavanida Kiliandan 25 ta ko‘p gol bor.
23 yoshli hujumchi joriy mavsumda "PSJ" safida barcha turnirlar doirasida 41 ta o‘yinda maydonga tushib, 33 ta gol urdi va 18 ta golli uzatmani amalga oshirdi.
