«Лестер»нинг собиқ бош мураббийи Клаудио Раньери фаолиятини якунламоқчи эмаслигини айтди. Италиялик футболчи ҳозирда ўзига мос амбицияларга эга бўлган клубдан таклиф кутаётганини таъкидлади.
«Мен футболни соғиндим. Бу менинг ҳаётим. Яхши клуб ва катта лойиҳага эга клубдан таклиф кутмоқдаман. Мен имкон қадар тезроқ ишга қайтмоқчиман. Фаолиятимни якунлаш ҳақида ўйламайман ҳам», - деди Раньери.
Эслатиб ўтамиз, 70 ёшли италиялик мутахассиснинг сўнгги иш жойи «Уотфорд» бўлган. 2015/16 йилги мавсумда Клаудио биринчи уринишдаёқ «Лестер»ни Премьер-лига чемпионлигига олиб келди.
