Англиянинг «Вест Хэм» клуби Италиянинг «Торино» жамоаси ҳужумчиси Андреа Белотти билан музокарага киришди.

28 ёшли ҳужумчининг «Торино» билан шартномаси июнь ойида тугайди ва футболчи уни узайтирмоқчи эмас. Fichajes нашрининг сўзларига кўра, «Вест Хэм» италиялик футболчини эркин агент сифатида қўлга киритиш учун ҳаракат қилмоқда. Лондон клуби Белоттига 3 йиллик шартнома таклиф қилмоқда.

Аввалроқ ОАВ ҳужумчига А сериянинг кўплаб вакиллари, жумладан «Милан», «Наполи» ва «Рома» клублари ҳам Белоттига қизиқиш билдираётгани ҳақида хабарлар тарқалганди.

Андреа Белотти Италия чемпионатининг жорий мавсумида 18 та учрашув ўтказиб, 5 марта рақиб дарвозасига тўп киритган.