Angliyaning «Vest Xem» klubi Italiyaning «Torino» jamoasi hujumchisi Andrea Belotti bilan muzokaraga kirishdi.
28 yoshli hujumchining «Torino» bilan shartnomasi iyun oyida tugaydi va futbolchi uni uzaytirmoqchi emas. Fichajes nashrining so‘zlariga ko‘ra, «Vest Xem» italiyalik futbolchini erkin agent sifatida qo‘lga kiritish uchun harakat qilmoqda. London klubi Belottiga 3 yillik shartnoma taklif qilmoqda.
Avvalroq OAV hujumchiga A seriyaning ko‘plab vakillari, jumladan «Milan», «Napoli» va «Roma» klublari ham Belottiga qiziqish bildirayotgani haqida xabarlar tarqalgandi.
Andrea Belotti Italiya chempionatining joriy mavsumida 18 ta uchrashuv o‘tkazib, 5 marta raqib darvozasiga to‘p kiritgan.
