Каталониянинг «Барселона» клуби «Аякс» ҳимоячиси Лисандро Мартинесни жамоага таклиф этиш имкониятини кўриб чиқмоқда. Футболчи ҳимоя марказида ҳам, қанотда ҳам ўйнай олади.
Манбанинг қайд этишича, каталонияликлар Лисандро Мартинесдан ташқари Сесар Аспиликуэтани ҳам жамоага таклиф қилишлари мумкин.
Агар «Барса» «Челси» ҳимоячиси билан келишувга эриша олмаса, «Аякс» футболчиси «кўк-анорранглилар» лагерига ўтиши мумкин. Бу жамоа учун иккинчи режа ҳисобланади.
Мартинеснинг «Аякс» билан шартномаси 2025 йилнинг ёзига қадар амал қилади. Футболчининг трансфер нархи 32 миллион еврони ташкил қилади.
