«Манчестер Юнайтед»нинг собиқ ҳимоячиси Рио Фердинанд жамоа бош мураббийи Ральф Рангник ҳақида салбий фикр билдирди.
«Тўғрисини айтсам, Рангникнинг тайинланиши, Сульшернинг кетганидан кейин вазият янада ёмонлашди. «Манчестер Юнайтед» кучли 4таликка кира олмайди. Имконият йўқ, барчаси тугади. Улар жанг қилиш тўхтатдилар.
Эҳтимол, бу Рангникнинг характерига хос эмас ва унда бундай хусусиятлар йўқ. У ўйин олдидан шунчаки, «МЮ» майдонга тушириб, ғалаба қозонишига умид қилади», - дея Фердинанднинг сўзларини келтиради Daily Mail.
«Манчестер Юнайтед» айни дамда АПЛ турнир жадвалида 34 ўйиндан кейин 54 очко билан 6-ўринда бормоқда. Жамоа турнирдаги сўнгги икки учрашувда мағлуб бўлди.
«Манчестер Сити» 80 очко билан биринчи, «Ливерпуль» 76 очко билан иккинчи, «Челси» 62 очко билан учинчи ўринда. «Арсенал» 60 очко билан тўртинчи, «Тоттенхем» эса 58 очко билан бешинчи ўринни эгаллаб турибди.
