Ўзбекистон Профессионал футбол лигаси директори Диёр Имомхўжаев Қаршининг «Насаф» жамоаси Осиё чемпионлар лигаси 5-турида Қатарнинг «Ас-Садд» жамоаси устидан қозонилган ғалабасидан кейин (3:1), ўз телеграм каналида «аждарлар»нинг ўйини ҳақида ўз фикрларини билдириб ўтди.
«Насаф» яраланган рақибни енгишга ийманди ва унинг ўрнидан туришини кутди. Рақиб ўзига келганида эса биринчи зарбда тиззасигача, иккинчи зарбда белигача ва учинчи зарбда бўйнигача кўмиб қўйди. Бердиев жамоасининг тарбияси шунақа», — дейди Имомхўжаев.
Эслатиб ўтамиз, кечаги ғалабадан кейин «Насаф» 8 очко тўплади ва гуруҳда 2-ўринни эгаллаб турибди.
