O‘zbekiston Professional futbol ligasi direktori Diyor Imomxo‘jayev Qarshining «Nasaf» jamoasi Osiyo chempionlar ligasi 5-turida Qatarning «As-Sadd» jamoasi ustidan qozonilgan g‘alabasidan keyin (3:1), o‘z telegram kanalida «ajdarlar»ning o‘yini haqida o‘z fikrlarini bildirib o‘tdi.
«Nasaf» yaralangan raqibni yengishga iymandi va uning o‘rnidan turishini kutdi. Raqib o‘ziga kelganida esa birinchi zarbda tizzasigacha, ikkinchi zarbda beligacha va uchinchi zarbda bo‘ynigacha ko‘mib qo‘ydi. Berdiyev jamoasining tarbiyasi shunaqa», — deydi Imomxo‘jayev.
Eslatib o‘tamiz, kechagi g‘alabadan keyin «Nasaf» 8 ochko to‘pladi va guruhda 2-o‘rinni egallab turibdi.
