Европанинг топ-5 чемпионатлари орасида Италия А сериясида интрига энг юқори даражада бўлиб турибди. Италия чемпионатида ҳозирда бирданига 4 жамоа — "Милан", "Интер", "Наполи" ва "Ювентус" ғолиблик учун имкониятларни сақлаб турибди.

Айни пайтда "Милан" 74 очко билан пешқадам бўлиб турган бўлса-да, ушбу жамоанинг мавсум охиридаги тақвими жуда мураккаб ҳисобланади. Пиоли жамоасини "Фиорентина", "Верона", "Аталанта" ва "Сассуоло"га қарши баҳслар кутиб турибди. Шу боис, "россонери" Скудеттони қўлга киритиш учун катта қаҳрамонлик намойиш этиш талаб этилади.

Чемпионлик учун имконияти энг паст имконият "Ювентус"да. Боз устига, туринликларни "Сассуоло", "Лацио" ва "Фиорентина"га қарши қийин ўйинлар кутиб турибди.

Скудеттога қарши энг яхши имконият "Интер"да. Бу жамоа қолдирилган ўйинда ғалаба қозонса, 1-ўринга чиқиб олади. Бундан ташқари, "нерадзурри"нинг мавсум сўнгида рақиблари унчалик мураккаб эмасдек кўринади, аммо "Кальяри" ва "Сампдория"га каби А серияда қолиш учун курашаётган жамоалар "Интер"га етарлича қаршилик кўрсатиши аниқ.

"Милан"нинг қолган ўйинлари
35-тур. 01.05.2022. Милан - Фиорентина
36-тур. 08.05.2022. Верона - Милан
37-тур. 15.05.2022. Милан - Аталанта
38-тур. 22.05.2022. Сассуоло - Милан

"Интер"ни кутаётган ўйинлар:
20-тур. 27.04.2022. Болонья - Интер
35-тур. 01.05.2022. Удинезе - Интер
36-тур. 08.05.2022. Интер - Эмполи
37-тур. 15.05.2022. Кальяри - Интер
38-тур. 22.05.2022. Интер - Сампдория

"Наполи"ни кутаётган баҳслар
35-тур. 01.05.2022. Наполи - Сассуоло
36-тур. 08.05.2022. Торино - Наполи
37-тур. 15.05.2022. Наполи - Женоа
38-тур. 22.05.2022. Специя - Наполи

"Ювентус"нинг қолган учрашувлари:
34-тур. 25.04.2022. Сассуоло - Ювентус
35-тур. 01.05.2022. Ювентус - Венеция
36-тур. 08.05.2022. Женоа - Ювентус
37-тур. 15.05.2022. Ювентус - Лацио
38-тур. 22.05.2022. Фиорентина - Ювентус