Аргентиналик "ПСЖ" бош мураббийи Маурисио Почеттино аллақачон Париж жамоаси раҳбарлари билан шартномани бекор қилишга келишиб олган.
Le Parisien хабарига кўра, аргентиналик мутахассис "ПСЖ" раҳбарлари билан шартномани муддатидан олдин бекор қилиш борасида келишувга эришган. Балки Почеттино жорий мавсум якунига қадар Париж клубини тарк этиши мумкин. Эслатиб ўтамиз, Маурисионинг "ПСЖ" билан шартномаси 2023 йилнинг ёзига қадар тузилган.
Жорий мавсумда "ПСЖ" футболчилари муддатидан аввал Лига 1 чемпионлигини қўлга киритишди, бироқ парижликлар Чемпионлар лигасининг 1/8 финалидан чиқиб кетишди, Почеттино жамоаси "Реал"га ютқазиб қўйди.
