Махачқалъанинг "Анжи" клуби Россия чемпионатининг навбатдаги турида "Рубин" устидан ғалаба қозонгач, камида Европа Лигасида иштирок этиш имкониятига эга бўлди.
Келишувга биноан бундай ҳолатда клуб бош мураббийи Гуус Хиддинк бир миллион евро мукофот пули олиши керак. Ҳозирда "Анжи" амалда Европа Чемпионлар Лигасида иштирок этиш учун ҳам имкониятга эга. Агар бу натижа ҳам қайд этиладиган бўлса Хиддинк яна бир миллион еврога бойийди, деб ёзмоқда Голландиянинг Voetball International нашри.
Манбада маълум қилинишича, Хиддинкнинг келажагига 13 майдан 31 майга қадар бўлган муддатда ойдинлик киритилади. Эслатиб ўтамиз, мураббий дастлабки битимга кўра, 0,5+1 кўринишида шартнома имзолаганди.
