Италиянинг энг тажрибали дарвозабони Жанлуижи Буффон ўз позициясида энг зўрлардан бири саналади, аммо унинг кулгили хатога йўл қўйган кунлари ҳам бор.
Бу гал Буффон "Перужа" билан ўйиннинг еттинчи дақиқасидаёқ "Ливерпул"нинг собиқ посбони Кариусни "ёқиб" олди ва якунда "Парма" 1:2 ҳисобида мағлуб бўлди.
Шериклардан бири тўпни унга узатди, жарима майдончаси чизиғида турган Буффон уни эгаллаб олишга уринди, лекин Буффон тўпни эгаллай олмади ва бу вазиятда рақиб ҳужумчиси эпчиллик билан тўпга етиб бориб, уни қийинчиликсиз дарвозага йўллади.
Ўйиндан сўнг «Парма» дарвозабони ҳафсаласи пир бўлган мухлисларидан узр сўради.
