«Тоттенхэм» бош мураббийи Антонио Конте «ПСЖ» билан ишлашга қарши эмас ва Франция клуби раҳбариятига бир қатор шартлар қўйиб бўлди, дея хабар беради журналист Адриен Гренье ўзининг ижтимоий тармоқларидаги саҳифасида.
Манба берган хабарга кўра, италиялик мутахассис клуб трансферларини тўлиқ назоратга олмоқчи, шунингдек, ўз ходимлари ва «Рома»нинг собиқ спорт директори Жанлука Петрачини жамоага таклиф қилмоқчи.
Олдинроқ Конте бор этиборини «Тоттенхэм»даги ишига қаратгани ва «ПСЖ» билан музокаралар олиб бормаётгани ҳақида хабар берилганди.
Италиялик мураббий ўтган йилнинг ноябрь ойида «шпорлар»ни бошқариб келади. 33 учрашувдан сўнг лондонликлар АПЛ турнир жадвалида 5-ўринни эгаллаб, Чемпионлар лигасига йўлланма берувчи 4-поғонадан икки очко ортда қолмоқда. Конте аввалроқ «Ювентус», «Челси» ва «Интер» клубларини бошқарган.
