"Насаф" ҳимоячиси Ҳусниддин Алиқулов эртага бўлиб ўтадиган Осиё Чемпионлар лигаси гуруҳ босқичи сўнгги 6-туридан ўрин олган "Ал-Виҳдат"га қарши ўйин олдидан ўтказилган матбуот анжуманида қатнашди.
"Эртанги ўйинга ҳаммамиз тайёрмиз. Барчанинг кайфияти аъло даражада. Эртага яхши ўйин кўрсатиб, ғалаба қозонишга ҳаракат қиламиз", - дея Алиқуловнинг сўзларидан иқтибос келтирган "Насаф" матбуот хизмати.
Эслатиб ўтамиз, учрашув эртага 27 апрель куни Тошкент вақти билан 22:15 да старт олади. Унга Бурайда шаҳридаги "Қирол Салмон" стадиони мезбонлик қилади.
