«Реал» ҳужумчиси Карим Бензема жамоа таркибида юбилей учрашувини ўтказади.

Мадриднинг «Реал» клуби Чемпионлар лигаси нимчорак финалида Англиянинг «Манчестер Сити» жамоасига қарши майдонга тушади.

Асосий таркибда майдонга тушадиган Карим Бензема учун бу учрашув мадридликлар либосидаги барча турнирлардаги 600-учрашув бўлади.

Франциялик футболчи клуб тарихида бу маррага эришган саккизинчи футболчи бўлди, деб хабар беради Opta.

599 учрашувда 34 ёшли ҳужумчи 318 та гол ва 140 та голли узатмани амалга оширган. Жорий мавсумда у 40 та учрашувда 39 та гол урди ва 13 та голли узатмани амалга оширди.