«Реал» бош мураббийи Карло Анчелотти Европа чемпионлар лигаси ярим финал босқичида бўлиб ўтган «Манчестер Сити»га қарши ўйин (3:4) борасида ўз фикрини билдириб ўтди.

«Дастлабки ўйин биз учун энг яхши натижа билан якунланмади. Тўртта гол ўтказиб юбордик. Ҳимояда яхши ўйин кўрсатмадик.

Мазкур натижа тўқнаш тақдирини ҳал этиши мумкин. "Сити" кучли жамоа эканини бугун намойиш этди, аммо биз ҳам уларга қарши рақобат кўрсата олдик. Энг яхши ҳимоя финалга чиқишда ҳал қилувчи омил бўлади.

Тўрт ҳимоячи билан мудофаанинг барчаси позициясини ёпиб бўлмайди. Бунда ярим ҳимоячилар ёрдамга келиши керак. Биз яккакурашларда ютқаздик. Диққатлироқ бўлишимиз керак эди.

Бизда вазиятлар бўлди, аммо тўпсиз қийналиб қолдик. Ўзимизга бўлган ишончни сақлаб қолишимиз керак.

Бензема тепган пенальтига тўхталадиган бўлсам, бизда бошқа ўйинчи тепиши мумкинлиги ҳақида фикр бўлмаган. Биз Каримга ишонамиз. Бу сафар у вазиятга ўзгача ёндошди. Ундан ўнг бурчакка зарбалар кутишади, у эса марказ бўйлаб зарба берди. Барчаси жойида. «Сантьяго Бернабеу»да бўладиган жавоб ўйинида мўъжиза кутамиз.

«Манчестер Сити» жуда яхши ўйнайди. Салбий томони — биз 4та гол ўтказиб юбордик, ижобий томони эса — 3та гол урдик», – деди «Мадрид» устози.