"Пахтакор" бош мураббийи Славче Войнески Осиё чемпионлар лигаси гуруҳ босқичи 6-тури доирасида бўлиб ўтган "Ат-Таъвун"га қарши ўйин (5:4) борасида ўз фикрини билдириб ўтди.

"Ўйин голларга бой ўтди, жамоаларда кўп вазиятлар бўлди. Бунга сабаб биз ҳужумкор футбол ўйнашга интиляпмиз. Яна футболчиларнинг жисмоний ҳолати ҳам ўйинга таъсир кўрсатди. Кетма-кет баҳслардан кейин чарчоқ бўлади. Футболчиларни ҳалол, ҳужумкор ва охиригача курашгани билан табриклайман. Ғалабани жуда истадик ва бунга эришдик", — деди Войнески.

Шунингдек, "Пахтакор" ҳужумчиси Миржаҳон Мираҳмадов ўз фикрлари билан ўртоқлашди:

"Қийин ўйинда ғалаба қозонганимиздан хурсандман. Аввалги беллашувларда омадимиз келмади. Бугун вазиятлардан фойдалана олдик".