"Реал Мадрид" ярим ҳимоячиси Винисиус Жуниор жамоадоши Карим Бензема мавсум якунида "Олтин тўп"ни олишга лойиқ эканлигини айтди.
"Карим Бензема ҳақида нима дея оламан? У ажойиб футболчи, мен уни акам деб биламан. Умид қиламизки, у мавсум якунида чемпионлик, Чемпионлар лигасини қўлга кирита олади, шунингдек, "Олтин тўп"ни ҳам қўлга киритади", деб ESPN бразилиялик ярим ҳимоячидан иқтибос келтирмоқда.
Эслатиб ўтамиз, кеча Карим Бензема "Манчестер Сити"га қарши ўйинда дубл қайд этиб, Чемпионлар лигасининг жорий мавсумидаги тўпурарига айланинб олди.
