«Насаф» ва «Пахтакор» клублари Осиё чемпионлар лигасининг гуруҳ босқичидаги иштирокларини якунлашди. Хўш, клубларимиз ушбу босқичда қанча пул ишлаб топишди?

Алишер Никимбаевнинг хабар беришича, "Пахтакор" иккита ўйинда ғалаба қозонгани учун  100 000 доллар мукофот пулига эга бўлди.

"Насаф" эса 2 ғалаба ва 3 дуранг қайд этган ҳолда 130 000 долларни қўлга киритди. Бундан ташқари, қаршиликлар нимчорак финал босқичи йўлланмасини қўлга киритишгани учун қўшимча 100 000 долларга эга бўлишди. Бу маблағ "аждарлар" ҳисоб-рақамига келаси йили келиб тушади.

Хабарингиз бор, ОЧЛ Ғарб минтақасида плей-офф босқичи ўйинлари келаси йилнинг февраль ойида бўлиб ўтади. Агар "Насаф" нимчорак финалда Саудия Арабистонининг "Аш-Шабоб" клуби тўсиғидан ўтса, ўз ҳисобини яна 150 000 долларга бойитади. Ярим финал босқичи йўлланмаси эса қаршиликларга яна 250 000 доллар келтиради.

Мабодо, "Насаф" финалга чиқса,  2 000 000 доллар, мусобақа ғолибига айланса, 4 000 000 доллар миқдорида мукофот жамғармасига эга бўлади.