«Nasaf» va «Paxtakor» klublari Osiyo chempionlar ligasining guruh bosqichidagi ishtiroklarini yakunlashdi. Xo‘sh, klublarimiz ushbu bosqichda qancha pul ishlab topishdi?

Alisher Nikimbayevning xabar berishicha, "Paxtakor" ikkita o‘yinda g‘alaba qozongani uchun  100 000 dollar mukofot puliga ega bo‘ldi.

"Nasaf" esa 2 g‘alaba va 3 durang qayd etgan holda 130 000 dollarni qo‘lga kiritdi. Bundan tashqari, qarshiliklar nimchorak final bosqichi yo‘llanmasini qo‘lga kiritishgani uchun qo‘shimcha 100 000 dollarga ega bo‘lishdi. Bu mablag‘ "ajdarlar" hisob-raqamiga kelasi yili kelib tushadi.

Xabaringiz bor, OCHL G‘arb mintaqasida pley-off bosqichi o‘yinlari kelasi yilning fevral oyida bo‘lib o‘tadi. Agar "Nasaf" nimchorak finalda Saudiya Arabistonining "Ash-SHabob" klubi to‘sig‘idan o‘tsa, o‘z hisobini yana 150 000 dollarga boyitadi. Yarim final bosqichi yo‘llanmasi esa qarshiliklarga yana 250 000 dollar keltiradi.

Mabodo, "Nasaf" finalga chiqsa,  2 000 000 dollar, musobaqa g‘olibiga aylansa, 4 000 000 dollar miqdorida mukofot jamg‘armasiga ega bo‘ladi.