Испан матбуотида ёзилишича, "Реал" клуби раҳбарлари Қувайт футбол федерацияси билан ушбу давлат терма жамоаси билан ўртоқлик ўйини ўтказишга келишиб олди.
Ўйин 16 майга белгиланган, лекин бу Испания термаси аъзоларига ноқулайлик келтириб чиқариши мумкин. Чунки улар, Ла лиганинг сўнгги ўйинидан кейин 20 майгача дам олиб, Евро-2012га тайёргарлик кўришлари керак эди.
"Ўйинда барча юлдузларнинг иштирок этишига келишганмиз, акс ҳолда ишқибозларга чипта пулларини қайтаришга тўғри келади", - дея бунга муносабатини билдиради ушбу ўйин ташкилотчиси Бадр Ал-Милем.
"Реал" Қувайтга ўйин куни учиб келиб, шу кннинг ўзидаёқ қайтиб учиб кетишни режалаштирган.
