Бугун про лиганинг 6-тур баҳсларига старт берилди. “Андижон”ни эртага сафарда “Турон”га қарши жуда муҳим учрашув кутиб турибди. 

Виктор Кумиков бошчилигидаги жамоа бўлажак беллашувга ҳар жиҳатдан жиддий тайёргарлик кўряпти. “Турон”га қарши ўйин водий дербиси мақомида бўлиб, мазкур тўқнашув кўплаб мутахассисларнинг ҳам диққат-марказида турибди.
Бевосита ушбу жамоаларнинг ўзаро ўйинларига тўхталар эканмиз, ўтган йилдан бошлаб “Турон” ва “Андижон” қарама-қаршилиги пайдо бўлди. Унгача эса жамоалар расмий ўйинларда рўбаро келмаганлар.

2021 йил. Ўзбекистон Суперлигаси.

1-давра. 13-тур.
“Андижон” – “Турон” – 1:1
Голлар: Суннат Абдуллажонов, 38 – 0:1. Павел Забелин, 51 – 1:1.

2-давра. 26-тур.
“Турон” – “Андижон” – 1:0.
Гол: Иброҳим Отахонов (автогол).

Ўзбекистон Кубоги.
“Турон” – “Андижон” – 1:0.
Гол: Жасур Ҳакимов.

Кўриб турганингиздек, ушбу жамоалар ўртасида ҳозиргача учта ўйин ўтказилган.