"Айнтрахт" ярим ҳимоячиси Ансгар Кнауфф Европа лигаси 1/2 финали биринчи учрашувида "Вест Хэм" устидан қозонилган ғалаба (2:1) ҳақида фикр билдирди.
“Биз илк дақиқаларданоқ “Барселона”га қарши ўйиндаги каби рақибга босим ўтказа бошладик. Албатта, тезкор гол бизга ишонч бағишлади. Аммо уларнинг голи бизни безовта қилмади - биз бу вазиятдан чиқиб кета олдик", - деди Кнауфф УЕФА расмий сайтига берган интервьюсида.
Томонлар ўртасидаги жавоб ўйини келаси пайшанба, 5 май куни Германияда бўлиб ўтади. Учрашув Тошкент вақти билан 23:59 да бошланади.
