Франциянинг “Лилль” клуби ярим ҳимоячиси Шека мавсум якунида жамоани тарк этишга тайёр.
Журналист Николо Скиранинг хабар беришича, португалиялик ярим ҳимоячининг трансферига “Рома”, “Валенсия” ва Туркиянинг “Галатасарой” каби клублари қизиқиш билдирмоқда.
Манба берган хабарга кўра, Шека "Интер"га таклиф қилинган, бироқ "нерадзуррилар" раҳбарияти футболчининг агентига клуб ярим ҳимоячига қизиқмаётганини айтган.
Шека 2017 йилдан бери “Лилль” клубида ўйнаб келмоқда ва шундан бери Франция клуби билан Лига 1 чемпионлигини қўлга киритди, шунингдек, Чемпионлар Лигасининг 1/8 финалига чиқди ва жамоаси билан Лондоннинг “Челси” клубига мағлуб бўлишди.
