«ПСЖ» бош мураббийи Маурисио Почеттино Франция чемпионатининг 35-туридан ўрин олган «Страсбург» жамоасига (3:3) қарши ўйинда шогирдларининг ўйинига юқори баҳо берди.
“Менимча, бу биз учун муносиб ўйин бўлди. Биз ғалаба қозона олмадик, лекин мен майдонда ажойиб нарсаларни кўрдим. Ўйлайманки, бугун биз яхшироқ ва профессионал тарзда ўйнадик, бу жуда ижобий ҳолат. Ўйин охирида ўтказиб юбордик ва бу бироз хафа қилди. Бошланиши қийин бўлди, биз тезда гол ўтказиб юбордик, лекин тезда ўзимизни тикладик ва яхши ўйин кўрсатдик, 3:1 ҳисобида олдинга чиқиб олдик.
Биз биринчи ўринда турганимиздан хурсандмиз ва бу мавсумда чемпион бўлганимиздан хурсандмиз... "ПСЖ" бу йўлда давом этиши керак», - деди Почеттино клуб матбуот хизматига.
Лига чемпионлигини қўлга киритган парижликлар 79 очко тўплади. "Страсбург" 57 очко билан бешинчи ўринга кўтарилиб олди.