"Бухоро" клуби бош мураббийи Ҳаким Фузайлов Про лиганинг 6-тури доирасида бўлиб ўтган "Хоразм"га қарши ўйин (3:2) борасида ўз фикрини билдириб ўтди.

"Олдин ҳам айтганман, ҳозир ҳам яна бир бор такрорлайман. Бу йил Про-лига етарли даражада кучли турнир, кучсиз жамоанинг ўзи йўқ. Балки биринчи даврадан кейин бир-икки жамоа орқада қолиб кетар, лекин асосий курашда, қолганлар охиригача курашади. Ўйин олдидан ҳар доим йигитларга уқтираман, рақибни ҳурмат қилиш керак, бўшашиш ярамайди. Осон ўйинлар бўлмайди, оғир ўйинларда фақат жанговарлик ва шижоат билан ғалабага умид қилса бўлади.

Жамоавий ўйинга келсак, бугунги ўйин шуни кўрсатдики, ҳали кучайишимиз керак. Агар ўйин жиҳатидан кучая олсак, кейин Суперлигага чиқиш учун менда ишонч бўлади. Ҳар бир ўтказилган ўйиндан хулоса чиқариб, кейинги ўйинга тайёрланамиз", — деди Фузайлов.