Бугун – 10 май куни Эрондаги "Эрон футбол академияси"да ўсмирлар ўртасидаги Осиё чемпионати (U16)га қуръа ташлаш маросими бўлиб ўтади.

21 сентябрдан 6 октябрга қадар Эронда бўлиб ўтадиган мусобақада Ўзбекистон шарафини Дилшод Нуралиев бошқарувидаги ўсмирлар терма жамоаси ҳимоя қилади. Икки йил аввал Алексей Евстафеев бошчилик қилган Ўзбекистон ўсмирлар терма жамоаси Тошкентдаги қитъа чемпионати финалига қадар етиб боргани сабаб, бугунги қуръа олдидан Ўзбекистон терма жамоаси мезбон Эрон, амалдаги Осиё чемпиони КХДР ва 3-ўрин соҳиби Австралия билан биргаликда биринчи саватни ташкил қилади.

Қайд этиш керак, Осиё чемпионатига тайёргарлик кўраётган Дилшод Нуралиев шогирдлари 30 май куни старт оладиган "Каспий Кубоги" турнирида иштирок этади.

Қуйида бугунги қуръа олдидан белгилаб қўйилган саватчалар билан танишиб олишингиз мумкин:

1-САВАТ: Эрон, КХДР, Ўзбекистон, Австралия
2-САВАТ: Япония, Сурия, Ироқ, Кувайт
3-САВАТ: Хитой, Уммон, Саудия Арабистони, Яман
4-САВАТ: Таиланд, Лаос, Жанубий Корея, Ҳиндистон