Мадриднинг «Реал» клуби дарвозабони Тибо Куртуа Ла Лигадаги чемпионлик ҳақида фикр билдирди.
30 апрель «Реал Мадрид» Ла Лиганинг 34-турида «Эспаньол»ни мағлуб этди (4:0). Бу ўйиндан сўнг Мадрид клуби муддатидан аввал чемпионликни қўлга киритди.
«Эл-класикодан кейин «Барселона»нинг айрим футболчилари чемпионликни қўлга киритгандек байрам қилишди. Аммо биз оғир ўйинда «Сельта»ни ва доим қийин бўлган «Хетафе»ни мағлуб этиш учун хотиржамликни сақладик.
Биз чемпионликни қўлга киритишимиз керак эди. Ҳамма нарса тайёр эди, жумладан дўстлар, оила, мухлислар. «Эспаньол»га мағлуб бўлмаслигимизни билардик. Биз ажойиб мавсумни ўтказмоқдамиз ва уни Чемпионлар лигасида ғалаба билан якунлаймиз», — дея фикр билдиради Куртуа.
