«Реал» президенти Флорентино Перес «ПСЖ» ҳужумчиси Килиан Мбаппенинг трансфери ҳақида гапирди.
«Мен бу ҳақда ҳали ўйлаганим йўқ, лекин мазкур трансфер ҳақиқат бўлиши мумкин. Кўрамиз, яқинда янги мавсум учун таркибни яхшилашни бошлаймиз», - дея Переснинг сўзларини келтиради Маrcа.
Яқин кунларда франциялик футболчи Мадридга келиб, «Реал» раҳбарияти билан музокара олиб бориши хабар қилинганди. Мбаппенинг «ПСЖ» билан шартномаси 2022 йилнинг 30 июнида тугайди. У эркин агент сифатида Мадрид клубига ўтиши мумкин.
23 ёшли футболчи жорий мавсумда «ПСЖ» сафида барча турнирларда 43 та ўйинда майдонга тушиб, 35 та гол ва 19 та голли узатмани амалга оширди.
