Каталониянинг “Барселона” клуби 2021/2022 йилги мавсумнинг 34-турида “Камп Ноу” стадионида “Мальорка”ни қабул қилди. Учрашувда мезбонлар ғалаба қозонишди - 2:1.
Учрашувнинг 25-дақиқасида мезбонлар ҳимоячиси Хорди Альба ҳужумчи Мемфис Депайга голли пас берди. Испаниялик футболчи учун бу жорий мавсумдаги тўққизинчи голли узатма бўлди, бу "Барселона" ҳимоячилари учун сўнгги 10 йилдаги энг юқори натижасидир. 2011/2012 йилги мавсумда фақатгина бразилиялик Дани Алвеш кўпроқ голли узатмани амалга оширган - 11 та, деб хабар беради Opta статистика портали.
Шунингдек, Альбанинг натижаси Испания чемпионатидаги 2016/2017-йилги мавсумдан буён Ла Лигадаги барча ҳимоячилар орасида энг яхшиси бўлди. Ўшанда “Реал Мадрид” футболчиси Марсело бир мавсумда 10 та голли узатмани амалга оширган эди.
