Туриннинг "Ювентус" клуби келаси ёзда "Челси" ярим ҳимоячиси Жоржиньони сотиб олишга жиддий ҳаракат қилмоқда.
Журналист Николо Скира ўзининг твиттер саҳифасида хабар беришича, «кекса синьора» 30 ёшли италияликнинг агенти Жоау Сантос билан музокараларни бошлаган. Футболчи янги клуби билан 3 йиллик шартнома имзоламоқчи.
Жоржиньонинг "Челси" билан амалдаги шартномаси 2023 йилнинг ёзида якунига етади. ОАВ хабарига кўра, ярим ҳимоячи Италия чемпионатига қайтишни истаётганини айтган.
Маълумот ўрнида, 2021/22 йилги мавсумда Жоржиньо лондонликлар сафида барча турнирлар доирасида 44 та ўйинда майдонга тушиб, 9 та гол ва 4 та голли узатмани амалга оширди.
