"Челси" ҳимоячиси Рис Жеймс "Реал"нинг ёзги трансфер ойнаси вақтидаги асосий мақсадига айланди. Бу ҳақда Todofichajes хабар бермоқда.
Мадрид клуби Дани Карвахалга муносиб рақобатчи сотиб олишни истайди. "Қаймоқранглилар" бир қанча номзодларни кўриб чиқди, бироқ 22 ёшли инглизни уларга маъқул келган.
Манбага кўра, "Реал Мадрид" Жеймс трансферига ҳужумкор ярим ҳимоячи Эден Азарни ҳам қўшмоқчи.
2021/22 йилги мавсумда Рис Жеймс “Челси” сафида барча мусобақаларда 34 та ўйинда майдонга тушиб, 6 та гол ва 7 та голли узатмани амалга оширди. Унинг "кўклар" билан шартномаси 2025 йилнинг ёзига қадар мўлжалланган.