"Бавария"нинг собиқ ярим ҳимоячиси Лотар Маттеус Мюнхен клуби футболчиларини "Майнц"га ютқазиб, Ибицада дам олаётганликларини танқид қилди.
“Буни қабул қилиб бўлмайди, айниқса бундай ўйиндан кейин. Агар улар ғалаба қозонишса, унда - ҳа, камида уч кун дам олинг, лекин ҳозир...", дейди Маттеус.
"Бавария" Дортмунднинг "Боруссия"си билан ўйинда чемпионликни қўлга киритган эди ва ўйин Мюнхен клуби фойдасига 3:1 ҳисобида якунланди.
Кейинги турда жамоа меҳмонда “Майнц”га имкониятни бой берди ва ўйиндан сўнг футболчилар Ибицада бир неча кун бўлишди.
“Бундай ўйиндан кейин бу мумкин эмас! Биз клуб имижини сақлаб қолишимиз керак. Футболчилар таътилда экан, мухлислар ғазабда”, — дейди Маттеус.
