Чемпионлар лигаси нимчорак финалининг жавоб учрашувида Испаниянинг «Вильярреал» клуби ўз майдонида «Ливерпуль»ни қабул қилмоқда. 0:2 ҳисобидаги мағлубиятдан сўнг, «Вильярреал»га тезкор гол жуда зарур эди ва жамоа буни уддалади. испан клуби ўйин бошидаёқ Алиссон дарвозасига йўл топа олди. Танаффусга оз қолганда иккинчи голни Кокелин киритди.

Қизиғи шундаки, Этьен Капу иккала голга ҳам ассистентлик қилди ва Чемпионлар лигасининг бир ўйинида иккита голли узатмани амалга оширган «Вильярреал»нинг биринчи футболчиси бўлди.

Эслатиб ўтамиз, «Вильярреал» ҳали Чемпионлар лигаси плей-офф ўйинида мағлуб бўлмаган.